Հայաստանի գործատուների հանրապետական միության և «Հրայր Մարուխեան» հիմնադրամի միջև համագործակցության արձանագրության ստորագրում

Համատեղ քննարկումների ամփոփ արդյունքներով Հայաստանի գործատուների հանրապետական միությունը և «Հրայր Մարուխեան» հիմնադրամը ձեռք են բերել համագործակցության կոնկրետ պայմանավորվածություններ, որի վերաբերյալ ստորագրվում է արձանագրություն:

Համագործակցությունը միտված է լինելու գործատուների և աշխատողների` աշխատանքային իրավունքների և շահերի պաշտպանության ոլորտներում, կողմերի կանոնադրություններին համապատասխան, գործընկերային հենքի վրա համատեղ նախաձեռնությունների իրականացմանը:

Համագործակցության համար նախանշված հիմնական ուղղություններն են`

1. «Հրայր Մարուխեան» հիմնադրամի աջակցությամբ գործող աշխատանքային իրավունքների պաշտպանության գրասենյակի միջոցով՝
• աշխատողներին և գործատուներին, ներառյալ՝ Հայաստանի Գործատուների Հանրապետական Միության տարածքային և ճյուղային միություններից ուղղորդվող, աշխատանքային օրենսդրության պահանջների կատարմանը վերաբերող, մասնագիտական անվճար խորհրդատվության տրամադրում,
• աշխատողների համար փաստաբանական անվճար ծառայություն՝ աշխատանքային վեճերի գծով.

2. աշխատանքային հիմնական իրավունքների մասին իրազեկում գործատուների աշխատողների և նրանց ներկայացուցիչների շրջանում.

3. կողմերի մասնագիտական կարողությունները զարգացնելու նպատակով կարճաժամկետ վերապատրաստումների համատեղ կազմակերպում.

4. փոխադարձ աջակցությամբ աշխատանքի ոլորտում գործող միջազգային կազմակերպությունների հետ համագործակցության զարգացում և խորացում.

5. աշխատանքային հարաբերությունների ոլորտում իրավակիրառական պրակտիկայից և մասնագիտական վերլուծություններով օրենսդրական կարգավորման խնդիրների վեր հանում, համատեղ լուծումների մշակում և քննարկումների նախաձեռնում.

6. համատեղ աշխատանքների, ստացված արդյունքների և բացահայտված խնդիրների մասին հանրային իրազեկում.

7. հնարավոր այլ ուղղություններ, որոնք կողմերը կգտնեն նպատակահարմար

{"slidestoshow":3,"slidestoscroll":1,"dots":"true","arrows":"true","autoplay":"true","autoplay_interval":3000,"speed":300,"loop":"true","lazyload":""}