Մեր մասին – Labor Rights Protection Office

2018-02-122020-03-12

Նոր Գործելադաշտ Մը ՀՅԴ-ին Համար

31 յունուար 2018-ին Դաշնակցութեան հայաստանեան կազմակերպութեան կեանքին մէջ տեղի ունեցաւ կարեւոր դէպք մը, որ կոչուած է նոր էջ մը բանալու հայկական աշխատաւորական շարժման պատմութեան մէջ, էջ մը, որ վերակենդանացման եւ վերաթարմացման կրնայ ենթարկել ՀՅԴ-ի ընկերային ուղեգիծը: Յիշեալ թուականին Հայ յեղափոխական դաշնակցութեան «Հրայր Մարուխեան» հիմնադրամը ստեղծեց «Աշխատանքային իրաւունքներու պաշտպանութեան գրասենեակ»-ը` նեցուկ կանգնելու համար հայաստանաբնակ աշխատաւորներու արժանապատուութեան:
Ամբողջը

2018-02-092020-03-12

Աշխատանքային իրավունքների պաշտպանության գրասենյակ. անվճար ծառայություններ՝ աշխատանքային իրավունքների գծով

Այսուհետ Երևանի Շենգավիթ վարչական շրջանում՝ Մանանդյան 20 հասցեում, կգործի Աշխատանքային իրավունքների պաշտպանության գրասենյակ: Գրասենյակի ստեղծման նախաձեռնությամբ հանդես է եկել ՀՅԴ «Հրայր Մարուխեան» հիմնադրամը:

Աշխատանքային հիմնական իրավունքների մասին իրազեկում, աշխատանքային վեճերի դեպքում դատական հայցերի պատրաստում, աշխատողների համար փաստաբանական անվճար ծառայություն՝ աշխատանքային վեճերի գծով (չվճարված աշխատավարձ, աշխատանքից անօրինական ազատումներ և այլն), զբաղվածության պետական ծառայության տարածքային կենտրոններ ուղղորդելու միջոցով աշխատանքային և մասնագիտական կողմնորոշման ու այլ հարցերի համար քաղաքացիները կարող են դիմել նորաբաց կենտրոն և անվճար հիմունքներով օգտվել կնետրոնի ծառայություններից:
Ամբողջը

2018-01-312020-03-12

ՀՅԴ «Հրայր Մարուխեան» հիմնադրամը ստեղծել է Աշխատանքային իրավունքների պաշտպանության գրասենյակ

ՀՅԴ «Հրայր Մարուխեան» հիմնադրամի աջակցությամբ Երևանում ստեղծվել է աշխատանքային իրավունքների պաշտպանության գրասենյակ: Նորաստեղծ գրասենյակը աշխատողներին, աշխատանքը կորցրած և աշխատանք փնտրող անձանց աշխատանքային իրավունքների պաշտպանության նպատակով տրամադրում է անվճար ծառայություններ, այդ թվում՝

ա. աշխատանքային հիմնական իրավունքների մասին իրազեկում,

բ. աշխատողների աշխատանքային վեճերի դեպքում դատական հայցերի պատրաստում,

գ. աշխատողների համար փաստաբանական անվճար ծառայություն՝ աշխատանքային վեճերի գծով (չվճարված աշխատավարձ, աշխատանքից անօրինական ազատումներ և այլն),

դ. Զբաղվածության պետական ծառայության տարածքային կենտրոններ ուղղորդելու միջոցով աշխատանքային և մասնագիտական կողմնորոշում և այլն:

Ծառայություններից օգտվելու համար ցանկացողները կարող են՝
 այցելել ք. Երևան, Շենգավիթ վարչական շրջան, Գ. Նժդեհ 8,
 զանգահարել 094 99 65 04, 096-99-66-04,
 գրել info.aipg@gmail.com էլ. հասցեին կամ
https://web.facebook.com/pg/iravunqneri.pashtpanutyun/about/?ref=page_internal ֆեյսբուքյան էջին:

Աշխատանքային իրավունքների պաշտպանության գրասենյակ

ՀՅԴ Հրայր Մարուխեան հիմնադրամի աջակցությամբ 2018թ. հունվարին ստեղծված Աշխատանքային իրավունքների պաշտպանության գրասենյակը զբաղվում է անձանց աշխատանքային և սոցիալական իրավունքների պաշտպանությամբ: Տրամադրվում են անվճար իրավաբանական և փաստաբանական ծառայություններ: Վստահորդների շահերի պաշտպանության համար կազմվում են դիմումներ, կատարվում հարցումներ և հայցեր են ներկայացվում ՀՀ դատարաններ:

Ք. Երևան
Շենգավիթ, Գ. Նժդեհի 8

096 99 66 04
094 99 65 04

info.aipg@gmail.com

Հրայր Մարուխեան հիմնադրամ

Հրայր Մարուխյան Հիմնադրամը հիմնադրվել է Հայաստանի Հանրապետությունում 2009թ.-ին` Հայ Յեղափոխական Դաշնակցության Գերագույն Մարմնի կողմից: Այն հանդիսանում է շահույթ չհետապնդող հիմնադրամ, որի նպատակն է հանրային, քաղաքական խնդիրների լուծման առաջխաղացումն ու զարգացումը, որոնք նպաստում են սոցիալական ժողովրդավարության հիմնական արժեքների տարածմանը` կրթական եւ ուսումնական ծրագրերի, ուսումնասիրությունների եւ տարածաշրջանային ու միջազգային համագործակցության միջոցով:

Հիմնադրամի նպատակն է աջակցել եւ ակտիվորեն նպաստել համակողմանի ազգային, տարածաշրջանային եւ միջազգային երկխոսությանը` կենտրոնանալով ներկա քաղաքական, տնտեսական եւ սոցիալական զարգացումների ու մարտահրավերների վրա: Այն հիմնականում իր ուշադրության կենտրոնում է պահում Հայաստանն ու Հարավային Կովկասը:

Հիմնադրամը ոչ միայն հանդիսանում է տեղեկատվության շտեմարան, այլ նաեւ ուսումնասիրություններ իրականացնում եւ այնպիսի քաղաքականություն վարում, որը նպաստում է Հայաստանի Հանրապետության քաղաքացիներին արձագանքելու տարածաշրջանային եւ համաշխարհային մակարդակով փոփոխվող քաղաքական եւ սոցիալական իրականությանը: Հիմնադրամն իրենից ներկայացնում է նաեւ մի կառույց, որը զբաղվում է նորանկախ պետությունների հատուկ խնդիրներով. ժողովրդավարության, աշխատողների իրավունքների, սոցիալական արդարության, խոսքի ազատության, արտաքին եւ անվտանգության քաղաքականության հարցերով, ինչպես նա¨ ներկա քաղաքական եւ համաշխարհային իրադարձություններով եւ Հարավային Կովկասին վերաբերող զարգացումներով:

Հրայր Մարուխյան Հիմնադրամը խնդիրներին համակարգված լուծումներ տալու նպատակով իրականացնում է երկարաժամկետ ուսումնասիրություններ` մանրակրկիտ պլանավորման, հստակ իրականացման եւ խիստ գնահատման միջոցով:

«Հայաստանում աշխատանքային իրավունքների պաշտպանություն. բացահայտված խնդիրներ և մտահոգիչ դրսևորումներ, հնարավոր լուծումներ»

«Հրայր Մարուխեան» հիմնադրամը հրապարակել է ՀՅԴ Բյուրոյի տնտեսական հետազոտությունների գրասենյակի վերլուծությունների շարքի վեցերորդը՝ «Հայաստանում աշխատանքային իրավունքների պաշտպանություն. բացահայտված խնդիրներ և մտահոգիչ դրսևորումներ, հնարավոր լուծումներ»։

ՀՅԴ Բյուրոյի տնտեսական հետազոտությունների գրասենյակը ՀՀ աշխատանքային օրենսդրության մասնագիտական համակողմանի ուսումնասիրությունների արդյունքներով առանձնացրել է առարկայական մի շարք խնդիրներ՝ դրանց հնարավոր լուծումներով:

Ներբեռնել ամբողջական վերլուծությունը (PDF)